ដរាបណានៅរស់រាន
រៀនរស់
ផ្លាស់ប្តូរទស្សនៈរបស់អ្នកទៅលើការរៀន ដោយរៀនដើម្បីជីវិត។ សៀវភៅបែបអភិវឌ្ឍន៍ខ្លួនមួយនេះនឹងជំរុញទឹកចិត្តអ្នកឱ្យស្រលាញ់ការរៀនសូត្រ និងជាពិសេសបង្រៀនអ្នកពីវិធីអភិវឌ្ឍន៍ខ្លួនត្រឹមត្រូវ ដូចនេះអ្នកមាននូវអំណាចមកលើជីវិតខ្លួននិងអាចសម្រេចរាល់ក្តីសុបិនដែលខ្លួនមាន។
ពេញចិត្តដោយអ្នកជំនាញ
"រៀនរស់ បន្តរស់ បន្តរៀន ពេញមួយជីវិត។"
លោក ប៉ូលី រតនៈ
អ្នកបង្កើតមាតិកានៃទំព័រ "Poly ratanak"
រចនាសម្ព័ន្ធ
នៃសៀវភៅ
១. គម្លាតរវាងសាលានិងជីវិត
យល់ដឹងពីចំណុចខ្វះខាតនៃប្រព័ន្ធអប់រំទូទៅ ដែលមនុស្សជាច្រើនបានមើលរំលង ដូចនេះអ្នកអាចដឹងថាគួរចាប់ចាប់ផ្តើមធ្វើអ្វីខ្លះដើម្បីធ្វើឱ្យការរៀនរបស់អ្នកមានភាពពេញលេញនិងទូលំទូលាយ។
២. ផ្នត់គំនិត
មុននឹងរៀនបានល្អ យើងត្រូវកែប្រែចិត្តគំនិតរបស់យើងសិន។ ផ្នត់គំនិតជាមូលដ្ឋានគ្រិះនៃការសិក្សា ព្រោះប្រសិនបើយើងមិនចង់ និងដឹងថារៀនដើម្បីអ្វីនោះ យើងក៏មិនអាចឃើញផលពីការរៀនដែរ។
៣. ចំណេះដឹង
អ្វីដែលកំណត់លទ្ធផលនៃការសិក្សាយើងមិនជាខួរក្បាលយើងទេ តែរបៀបយើងរៀន។ ក្នុងវគ្គនេះ អ្នកនឹងទទួលបានយុទ្ធសាស្រ្តថ្មីៗ ដែលនឹងជួយអ្នករៀនបានលឿន និងចង ចាំបានល្អ។
៤. សមត្ថភាព
លើលោកនេះមិនខ្វះទេអ្នកដឹង ខ្វះតែអ្នកចេះ ដូចនេះកុំរៀនរាក់ៗ តែសិក្សាឱ្យបានជ្រៅជ្រះ។ តាមការណែនាំ អ្នកនឹងចេះយកអ្វីដែលខ្លួនរៀនមកអនុវត្តជាជំនាញមួយបានយ៉ាងមានប្រសិទ្ធភាព។
៥. សមិទ្ធផល
ដើម្បីដល់ចំណុចកំពូលពិតមែន យើងត្រូវស្គាល់ខ្លួនឯង មានទំនួលខុសត្រូវ និងមានគុណធម៌ ដែលជាសារធាតុដ៏សំខាន់ ក្នុងការចេះប្រើប្រាស់សមត្ថភាពខ្លួនក្នុងផ្លូវល្អសម្រាប់សង្គមជាតិ។